ఓ కవీ...

బి. విశ్వనాథాచారి

ఓ కవీ..

నీ కవితా స్రవంతిలో

మానవ హృదయంలో సమతా మమతలను ప్రవహింప జెయ్యి

ఓ కవీ..

ీీనీ కవితా సుమదళాలతో

శాంతి సౌహార్ధ్ర సుగంధాలను వ్యాపింప జెయ్యి

ఓ కవీ..

నీ కవితా తేజస్సుతో

మానవుని హృదయంలో అజ్ఞానాందకారాన్ని తొలగించు

ఓ కవీ..

నీ కవితా పద శర పరంపరలలో

మానవుని హృదయంలోని అహంకార మద కవాటాలను చేధించి

మానవుని హృదయంలో దాగియున్న మానవత్వానికి స్వేచ్ఛ కల్పించు

ఓ కవీ..

నీ కవితా కరవాలంతో

కలుషితమైన కులతత్వాన్ని పాతుకు పోయిన

మూడాచారపు కలుపు మొక్కలను పెళ్లగించు

ఓ కవీ..

నీ కవితా దీప్తితో

మానవుని గుండెల్లో రగిలే దురాగత

భావనలను భస్మీపటలం చెయ్యి

ఓ కవీ..

నిర్మలమై, నిర్భయమై, నిరాటంకంగా సాగుతున్న

నీ కవితా వాహినిలో మానవ హృదయంలో తుప్పుపట్టి

హరించి పోతున్న మానవత్వానికి మెరుగు పెట్టించు

ఓ కవీ..

తియ్యని నీ కవితా నాధంతో

మానవ కళ్యాణానికి మంగళవాద్యం వాయించు